Politique

Marosoa Imady Nidina an-dalambe nitaky ny hanoloana ny PDS ny vahoaka

Politique
Alatsinainy 16 Jona 2014

�Misaona sy malahelo ny vahoaka. Mikatona ny kaominina, tsy hankalaza ny fetim-pirenena izahay raha tsy apetraky ny fanjakana ny olona tianay vahoaka�.

“Tsy eken’ny vahoakan’i Marosoa sy Amoron’i Mania ny “Parachutage” na fanendrena olona avy any ambony”. Ireo no votoatin’ny fitokonana nataon’ny vahoakan’i Marosoa Imady, Distrikan’ambositra ny sabotsy 14 jona lasa teo. Nidina an-dalambe ary nilanja sorabaventy izy ireo. Anton’izao fitakiana izao, araka ny nambaran’ireo Sefo Fokontany miisa 14 sy raiamandreny to teny ary ireo vahoaka telo arivo mahery nilahatra ny tsy fankasitrahan’izy ireo ny PDS vaovao ao an-toerana izay notendren’ny olom-boafidy iray. Marihina fa voafidy ho solombavambahoaka ny Ben’ny tanàna tao amin’ity Kaominina ity, ka nahatonga izao fanendrena PDS izao. Olona roa no voatendry, ary efa napetraka tamin’ny tapatapaky ny volana mey 2014 lasa teo. Nametra-pialana ny iray rehefa nanomboka niaka-pofona ny Vahoaka. “Mihatra eto Marosoa ny didy jadona, tsy nierana tamin’ny vahoaka sy ny mpanolotsaina ary ny sefo Fokontany ny mpitondra notendrena”, hoy ireto vahoaka ireto. Tsy misy sainam-pirenena mitsangana isam-baravarana ao amin’ity Kaominina ity amin’izao fotoana izao noho ny alahelon’ny olona ary misy aza lasa any amin’ny Kaominina hafa ny olona no mikarakara taratasy.