Politique

Mamy Rabenirina "Ara-drariny ny fandavana ny Tanà-masoandro"

Politique
Zoma 25 Oktobra 2019

Raha nampiato ny tetikasa Tanà-masoandro ny filoham-pirenena dia mbola mitohy hatrany ny fanehoan-kevitra mahakasika izany.

Lojika ny fanitarana ny tanàna, araka ny vinan'ny filoham-pirenena saingy tokony hiverenana hodinihana ny toerana hanatanterahana izany, hoy i Mamy Rabenirina, solombavambahoaka voafidy tao Ambohidratrimo. Tsy fanotofana tanimbary, izay fiveloman'ny olona no vahaolana tokana hanatratrarana ny tanjona hanitarana tanàna. Ara-drariny ny fandavan'ny olona ny tetikasa Tanà-masoandro raha ny eny Ambohitrimanjaka satria tanimbary hivelomany no esorina aminy. Nomarihany hatrany fa ny voly vary izay manana anjara lehibe ara-toekarena sy fototra hivelomana mihitsy. Raha tena hikatsaka ny tombontsoan' ny vahoaka ny filoham-pirenena dia fanatsarana sy fampiroboroboana ny fambolem-bary aza no tokony hataony, hoy hatrany ny fanazavana.

Marigny A.