Politique

Mama Jeanne �Aoka samy haneho ny fitiavantanin-drazana�

Politique
Zoma 13 Jona 2014

Amin’izao fanombohan’ny Repoblika faha-4 izao dia miangavy ny mpitondra fanjakana rehetra sy ny vahoaka Malagasy Rtoa Jeanne Ralay na Mama Jeanne, filohan’ny fikambanana «Americano-Malagasy» miasa sy monina any Amerika an-taonany maro izao, mba samy haneho ny fitiavantanin-drazana. «Samy olon-kendry avokoa ianareo ka aoka ny tombontsoa iombonana mba hampandrosoana an’i Madagasikara malalantsika no atao tarigetra», hoy izy. Miantso fifanomezan-tanana amin’ny anaran’ny Fihavanana koa ny tenany ka hifarimbona amin’ny tetikasam-pampandrosoana ny firenena. Nampiany fa firenena anisan’ny manankarena indrindra eto ambonin’ny tany i Madagasikara, ka tokony hatao mangarahara sy harindra amin’ny ara-drariny ny fitrandrahana ireny harena ireny hiditra ao anaty kitapom-bolam-panjakana mba hisy fiantraikany mivantana amin’ny fiainam-bahoaka.