Politique

Maharante Jean de Dieu �Tsy zaza maditra izany izahay�

Politique
Alakamisy 24 Aprily 2014

�Tsy zaza maditra izany izahay raha niditra ato anaty fitondrana fa manaja ny soatoavina repoblikanina. Tsy afaka ny hanohitra ny filoha Hery Rajaonarimampianina mihitsy izahay nanohana azy tamin�ny fifidianana. Efa nifampiera izahay mpikambana Mapar nanohana ahy ho minisitra ireo. Tsy namitaka ireo vahoaka nifidy ahy tany Toliara aho raha nanaiky ho minisitra satria efa nambarako tamin�ny propagandy mazava tsara izany�.

Tao amin’ny minisiteran’ny Asam-panjakana sy ny asa tetsy 67 ha no nilazan’i Maharante Jean de Dieu izany omaly nandritra ny famindram-pahefana nifanaovany tamin’ny minisitra Marcel Bernard. Nambarany fa hivoaka amin’ny 1 mey ho avy izao ny marikarama vaovaon’ny mpiasa tsy miankina Malagasy. Hiakatra 10,50% izany karama izany ary manan-kery manomboka ny 1 martsa 2014. Hisy koa ny fanisana mpiasam-panjakana mba hisorohana ireo mpiasa “matoatoa” ao anatin’ny 118.000 voaisa ankehitriny. Maro ny fampanantenana nataony toy hijerena ireo mpampianatra FRAM iantohan’ny fanjakana, ka andrasana ny fanatanterahana fa tsy ho am-bava fotsiny.