Politique

Mahafaly Solonandrasana Lasa any Frantsa ?

Politique
Zoma 15 Febroary 2019

Nitohivakana nanomboka ny talata teo ny fisamborana ireo voasaringotra rehetra tanatina raharaha fanondranana harem-pirenena, indrindra ny andramena tao anatin’ny fitondrana tetezamita.

Toy ny efa misy tetiandro voarafitra mihitsy no nanaovan’izao fitondrana izao azy. Talata, Eddy Maminiriana na Eddy Bois de Rose, hoy ny mpanara-baovao. Alarobia, Mbola Rajaonah na Mbola Tafaray. Asa iza indray no manaraka. Isan’ny efa feo mandeha ankehitriny ny hoe ny zanaky ny filoham-pirenena teo aloha, Mathieu Rajaonarimampianina sy depiote maromaro toa an-dry Jaona Elite sy Anthelme Ramparany. Tsy ho afa-miala koa ny vadin’ny filoham-pirenena teo aloha, Voahangy Rajaonarimampianina. Tsiliam-baovao ihany koa amin’izao fotoana izao no nahenoana fa efa any frantsa hatramin’ny alarobia teo ny praiminisitra teo aloha, Mahafaly Solonandrasana Olivier, izay voatonontonona tamin’ireny raharaha Claudine Razaimamonjy ireny.

J. Mirija