Politique

Partagé sur :
• facebook

Niporofoin’ny Fikambanan’ny gadra politika tetsy amin’ny Magro Behoririka tamin’ny sabotsy teo fa mbola maro ny namany mihidy any am-ponja ankehitriny ka hanova paikady ry zareo ato ho ato noho ny amin’izy ireo.

 Nisongadina tao amin’ity kianja ity ny famakiana bantsilana ny tenin-dRajoelina tao anatin’ny TV Plus ny zoma alina teo. Tsy normal tokoa ny tetezamitanareo, hoy i Manoela Ralaimampisainarinony, fa Ravalomanana mody dia milatsaka ihany no izy ! Resaka vidim-piainana tsy mitsahatra miakatra no resahina ka tonga hatrany amin’ny SECES ny fanazavana. Tsy mandray karama ianao satria eo ny bizina rehetra, hoy izy. Raha namono olona i Marc Ravalomanana dia tsy toy izao no itiavan’olona azy ary tsy afaka mialokaloka any ivelany izy, hoy hatrany i Manoela. Soa fa lava ny tetezamita, hoy indray i Fanantera Longin ka nahafantaran’ny vahoaka ny tena amin’i Andry Rajoelina ka asakasaky ny vahoaka malagasy, indrindra fa Antananarivo raha mbola hifidy azy. Ho tany mitomany foana i Madagasikara ary hihamaro ny vahoaka mijaly amin’ny tsy fandriampahalemana satria nifidy mpanongam-panjakana ka ambarako, hoy i Fanantera Longin, fa mampidi-doza ny manome vato ho an’i Andry Rajoelina. Diso tafahoatra ny lainga afafin’i Andry Rajoelina eto amin’ny firenena, hoy kosa i Guy Maxime Ralaiseheno nanohy. Mitenena aloha fa mbola ho avy ny anjaranao. Fomba fiady ara-politika ireny, hoy izy. Tonga saina ny vahoaka ankehitriny, hoy i Guy Maxime, fa raha te hahazo hoavy tsara dia tsy misy afa tsy i Marc Ravalomanana.
Manohy

Tia Tanindrazana

Samia mijoro ho an'i Gasikara.