Politique

�Le Grand Pardon� Hany vahaolana ho antsika, hoy i Nary Ravonjy mpanao gazety

Politique
Alatsinainy 29 Aogositra 2011

Efa nanomboka ny taona 2006 ny namana mpaka sary an-gazety Nary Ravonjy no nanoratra sy nanambara ny atao hoe fifamelana.

Efa nentiny tamin’ireo mpitondra maro teto amin’ny firenena na eto an-toerana na ny any ivelany io teny io ary mbola novelabelariny tamin’ireo namany mpanao gazety teny Ambatonakanga indray tamin’ny takarivan’ny zoma teo. Tsy nandeha irery anefa izy tamin’ity indray mandeha ity fa dia nampian’ny Pasitera Ravoavy Ravatomanda. Nangataka àry izy mianaka ireto ny mba hifamelan’ireo Filoha mpitantana efatra mirahalahy, indrindra fa ny Filoha teo aloha Marc Ravalomanana sy ny Filohan’ny Tetezamita amin’izao fotoana izao. Zava-dehibe ny fifamelana ary ny Malagasy samy Malagasy ihany no mahay mifamela, hoy izy ireo. Isika Malagasy dia fatra-mpandala ny Fihavanana ka tokony hisy izany, hoy ny Pasitera Ravoavy sy Nary Ravonjy ny fihaonana an-databatra boribory izay tokony hatao eto Madagasikara ihany. Notsindrian-dry zareo ihany koa fa rehefa mendrika ny Filoha dia mendrika ny Malagasy ary raha vita tanteraka izany fifamelana izany dia mandeha ho azy ny fifidianana kasain-katao.

Manohy