Politique

Partagé sur :
• facebook

Ho fampandrosoana an’i Madagasikara dia lany teny amin’ny Antenimierandoholona, ny alarobia 14 desambra 2016, ny Volavolan-dalàna laharana faha-047/ 2016 tamin’ny 29 novambra 2016 ho fanomezan-dalana ny fifanarahana fampindramambola hamatsiana ny tetikasa ho fanatsarana ny Seha-panjakana na PAPSP ;

 ny Volavolan-dalàna laharana faha-048/2016 tamin’ny 29 novambra 2016 ho fanomezan-dalana ny fifanarahana fampindramambola hamatsiana ny Fandaharan’asa hanavaozana ny Sehatry ny Angovo na PARSE ; ny Volavolan-dalàna laharana faha-049/2016 tamin’ny 29 novambra 2016 ho fanomezan-dalana ny fifanarahana fampindramam-bola ny Fandaharan’asa fampandrosoana hisian’ny fitoviana eo amin’ireo Tanàn-dehibe eto Madagasikara na PADEVE ary ny Volavolan-dalàna laharana faha-050/2016 tamin’ny 29 novambra 2016 ho fanomezan-dalana ny Fandaharan’asa ho amin’ny fanarenana ny tanànan’Antananarivo na PIAA. Fivoriana teo ambany Fitarihan’ny Filohan’ny Antenimierandoholona Rakotomanana Honoré sy ireo mpikambana avy amin’ny birao maharitra.

Mitentina 40 tapitrisa Dolara Amerikana ny vola hamatsiana ny tetikasa ho fanatsarana ny Seha-panjakana na PAPSP. Mitentina 13 770 000 na 19 Dolara Amerikana ny vola hamatsiana ny tetikasa fanampiana hanavaozana ny Angovo na PARSE. Mitentina 25 tapitrisa Euros kosa ho an’ny Fandaharan’asa fampandrosoana hisian’ny fitoviana eo amin’ireo tanàn-dehibe eto Madagasikara na PADEVE ary mitentina 34,185 Euros ny vola hamatsiana ny Fandaharan’asa ho amin’ny fanarenana ny tanànan’Antananarivo na PIAA.

Taorian’ny nahalany ireo Lalàna ireo dia niatrika ireo Loholona Ramatoa Violett Kakyomya nanolotra ireo boky momba ny Torolalana mikasika ny andraikitra sy ny asan’ny parlemantera anivon’ny Andrimpanjakana.

Ntsoavina Evariste

Tia Tanindrazana

Samia mijoro ho an'i Gasikara.