Politique

Lapan�i Mahazoarivo Mitohy ny fitakiana hamoahana ireo gadra politika

Politique
Alarobia 07 Desambra 2011

Tonga teny Mahazoarivo nilanja sorabaventy ireo fianakavian�ny gadra politika omaly.

Ny hihaona mivantana tamin’ny praiminisitra Omer Beriziky no dian’izy ireo teny, hanerena ity farany hamoaka tsy misy hatak’andro ireo gadra politika, sivily sy miaramila mbola voatana am-ponja. Noraisin’ny praiminisitra ny solontena, efatra avy amin’izy ireo, tokony ho tamin’ny iray ora tolakandro, taorian’ny nitarihany filankevitry ny governemanta. Tsy nisy fandraisana fanapahan-kevitra teo no ho eo, fa dia nianona tamin’ny fifanazavana sy fitakiana. Milaza ny hanohy izao hetsika fitetezana tompon’andraikitra mpanapa-kevitra izao ireto fianakavian’ny gadra politika ireto mandra-pivalin’ny fitakian’izy ireo. Nizotra tamim-pilaminana ny hetsika nataon’izy ireo. Na izany aza dia miaramilan’ny Emmo-Reg efatra kamio no efa niatrana teny an-toerana io omaly io.

Nangonin’i Jean D.