Politique

Lapam-panjakana Iavoloha Ho avy eny i Dada

Politique
Alarobia 04 Janoary 2017

Hotontosaina ny 6 janoary 2017 eny amin�ny lapam-panjakana Iavoloha ny lanonana fifampiarahabana tratry ny taona vaovao eo amin�ireo andrimpanjakana Malagasy miaraka amin�ny solontenan�ireo firenena manana masoivoho miasa sy monina eto Madagasikara.

Niteraka ady hevitra teo anivon’ny fiaraha-monina hatrany rahateo ny tetibola natokan’ny fiadidiana ny Repoblika ho an’ny asaramanitra fiandohan’ny taona. Nampasiaka manokana ny vahoaka Malagasy rahateo ny isan’ireo vahiny manan-kaja nasain’ny filohan’ny Repoblika mivady tamin’ny herintaona izay nahatratra 1.500 be izao. Tsy niova firy tamin’ny raikipohy nanatontosana ny hetsika tamin’ny taon-dasa moa ny fanomanana tamin’ity taona ity. Hanodidina ny 1.400 kosa ny isan’ireo olo-manan-kaja handrasana eny an-toerana, araka ny tsilian-tsofina mandeha. Hanome voninahitra ity lanonam-panjakana eny Atsimondrano ity moa ny filoha teo aloha Ravalomanana Marc izay nahazo fanasana hanatrika izany, araka ny fampitam-baovao heno omaly.

Ramano F.