Politique

Lapa Maitso Anosikely Hanadina ny Praminisitra Beriziky ireo CST anio

Politique
Talata 31 Janoary 2012

Raikitra izany fa dia ho avy ao amin�ny Lapa Maitso Anosikely ny Praiminisitra Jean Omer Beriziky, anio, hifanatrika amin�ireo mpikambana ao amin�ny Filankevitra ambonin�ny tetezamita (CST).

Tamin’ny zoma 27 janoary tolakandro no tokony ho notanterahina ity fihaonana ity saingy anio izany vao malalaka ny praiminisitra. Araka ny tapaka nandritra ny fivorian’ny Vaomiera itambarambe notanterahina ny alakamisy 26 janoary 2012 lasa teo teny anivon’ny Filankevitra Ambonin’ny Tetezamita fa dia hantsoina hifanatrika sy hifanazava mikasika ireo raharaha mafampana eto amin’ny firenena sy ny lalana hivoahana amin’izao krizy izao ny praiminisitra sy ireo mpikambana amin’ny Komity manokana mpanaramaso ny fampiharana ny tondrozotra eny anivon’ny governemanta. Ao anatin’ny vaomiera itambarambe no hanatanterana ny fihaonana saingy tsy ho azon’ny besinimaro hatrehina fa hihidy aman-trano, araka ny loharanom-baovao eo anivon’ny Lapa Maitso Anosikely.
Jean D.