Politique

Partagé sur :
• facebook

Mbola ambany ny tetibola ampiasain’ireo vondrom-paritra itsinjaram-pahefana na ny kaominina raha oharina amin’ny tetibolan’ny fanjakana foibe.

Mbola ambany ny tetibola ampiasain’ireo vondrom-paritra itsinjaram-pahefana na ny kaominina raha oharina amin’ny tetibolan’ny fanjakana foibe. Tsy misy afa-tsy ny 3%-n’ny tetibolan’ny fanjakana foibe izany, hoy Ramatoa Lalao Ravalomanana, ben’ny tanànan’Antananarivo, omaly, nandritra ny fanokafana ny atrikasa iraisam-pirenena momba ny fitantanam-bola amin’ny vondrom-bahoakam-paritra ho an’ireo firenena frankofona aty atsimon’i Afrika  fa tsy mbola nahazo an’ilay famatsiam-bola avy amin’ny fitondrana foibe ny kaominina Antananarivo Renivohitra hatramin’izay naha ben’ny tanàna azy ny volana oktobra 2015 na dia manana ilay sata manokana amin’ny maha renivohitry ny firenena azy aza Antananarivo. Nahazo an’io vola fanampiana io avokoa anefa ireo ben’ny tanàna nitondra teo alohany.Tsy maintsy mipetraka tsara ny fiaraha-miasa eo amin’ny kaominina sy ny governemanta raha toa ka tiana hahomby ny asa fampandrosoana atao, hoy izy. Efa tena miasa ny kaominina, saingy voafetra ny zavatra vitany noho ny tsy fahampian’ny hoenti-manana. Napetrany mazava fa tsy maintsy karohana ny hevitra hahafahana miara-miasa eo amin’ny fitondrana foibe, ny kaominina, ny sehatra tsy miankina ary ny fiarahamonim-pirenena mba hahafahana mandroso sy mandresy ny fahantrana. Mila mandray anjara avokoa ny rehetra na ny mpitondra na ny vahoaka, hoy izy ary mila manana ilay fahefana sy tetibola mifanaraka amin’ny andraikiny ny kaominina rehetra hahafahan’izy ireo miasa ho amin’ny tombontsoan’ny vahoaka sy ny tanàna. Minoa aho fa hahazo ny anjara fanampiany avy amin’ny fitondrana foibe aorian’izao dinika sy atrikasa izao Antananarivo Renivohitra satria efa mazava tsara ny zava-drehetra , hoy izy.

RTT

Tia Tanindrazana

Samia mijoro ho an'i Gasikara.