Politique

Korontana teto Iarivo omaly Sambany tsy nifatraran�ny rihitra ny ankolafy 3

Politique
Alarobia 23 Novambra 2011

Isaky ny misy korontana tao anatin�izay 3 taonan�ny tetezamitan�ny FAT izay teto an-drenivohitr�i Madagasikara dia tsy maintsy voatonona hatrany ny ankolafy 3 noho ny fanatanterahany tsy tapaka ny famoriam-bahoaka an-kianja.

Sambany omaly talata nisiana savorovoro tao Behoririka sy Soarano hatreny Isotry no mba tsy voatonona ireto mpitolon’ny ara-dalàna ireto. Tsy hoe tsy nihetsika tsy akory ny ankolafy 3 fa nanohy hatrany am-pilaminana ny fivoriana fanaony tao amin’ny Kianjan’ny Finoana Magro Behoririka ary nanaraka am-pitoniana ny hafatr’i Dada na teo aza ny baomba mandatsa-dranomaso nanakoako sy nanempotra tany ivelany tany. May volon-tratra tamin’ny zava-nisy ny fitondrana FAT ka nampanao vaovao edisiona manokana tamin’ny haino aman-jerim-panjakana mihitsy ny Jeneraly matihanina amin’ny fandaminana savorovoro, fa niseho lany ny tao am-po nihotriky ny vahoaka sahiran’ny krizy fa karazana fanaingan-javatra ihany ny fisiana famonoana vahiny mpiasa Malagasy. Fijery mahitsy ny zava-misy izay fa ny mpitondra FAT manana fijery miavaka azy manokana izay ka asa na mbola hiova indray ao anatin’ny ora manaraka ny fanazavana ofisialy tamin’ireny trangan-javatra omaly ireny satria ny alina mitondra fisainana. Iza indray àry no hamoronana “dossier” ao anatin’izy iny, hoy ianao ?
Manohy