Politique

Kolonely Lylison Nijabaka tanteraka

Politique
Alakamisy 04 Febroary 2016

Nanao fanambarana tao amina fahitalavitra tsy miankina iray eto an-drenivohitra ny kolonely eo anivon�ny zandarimariam-pirenena Lylison de Roland Ren� ny talata teo fa nampandany ny filoha am-perinasa Hery Rajaonarimampianina tany Sofia izy, tamin�ny 2013.

Nirotsaka hofidiana ho Loholona tamin’ny anaran’ny MAPAR (Miaraka amin’ny prezida Andry Rajoelina) moa ity manamboninahitra zandary ity ary voafidy tamin’ny fifidianana natao tamin’ny 29 desambra 2015. Nilaza i kolonely Lylison de Roland René taorian’izao nahavoafidy azy izao fa malalaka amin’ny fanehoan-kevitra izy ankehitriny satria efa nanao “disponibilité”, nisintaka amin’ny maha miaramila azy. Ka eo no mipetraka ny fanontaniana hoe fanahy iniana sa nijabaka i kolonely Lylison de Roland René tamin’io nilazany fa nampandany ny filoha Rajaonarimampianina izy tamin’ny 2013, fotoana izay mbola naha talen’ny FIS (Force d’intervention spéciale) azy, izay vondron-tafika manokana niankina tamin’ny fiadidiana ny tetezamita tamin’izany, andraikitra tsy mamela azy hirotsaka mivantana amin’ny raharaha politika ?

Rabri