Politique

Karama 2017 Miiba 0,1% amin�ny vidim-piainana

Politique
Alatsinainy 23 Janoary 2017

Mitentina 85,2 miliara ariary ny bolongambola fanitsiana ny karaman�ny fonksionera voasoratra ao anatin�ny tetibolam-panjakana 2017 taorian�ny fampitomboana ho 7% ny mari-karaman�ny mpiasam-panjakana amin�ity taona 2017 ity

Mitentina 85,2 miliara ariary ny bolongambola fanitsiana ny karaman’ny fonksionera voasoratra ao anatin’ny tetibolam-panjakana 2017 taorian’ny fampitomboana ho 7% ny mari-karaman’ny mpiasam-panjakana amin’ity taona 2017 ity izay efa nanaovan’ireo teknisianin’ny minisiteran’ny Fitantanana fanadihadiana sy kajy niaraka tamin’ny fakan-kevitra sy toromariky ny mpamatsy vola iraisampirenena tamin’ny taon-dasa. Amin’ny ankapobeny dia ilaina mihoatra ny tahan’ny fidangan’ny vidim-piainana ny salan’isan’ny fisondrotan-karama mba hitarika harinkarena faobe miabo. Eo amin’ny 7,1% ny fiakaran’ny vidim-piainana taona 2017 raha 4,5% kosa ny fiabon’ny harinkarena. Raha tsorina dia miiba 0,1% amin’ny fitombon’ny vidim-piainana ny tahan’ny fiakaran’ny mari-karaman’ny mpiasa Malagasy tamin’ity taona ity. Tsy nihoatra ny 7,5% rahateo ny fiakarana tao anatin’ny 3 taona farany nandritra ny fitondrana Rajaonarimampianina. Nahatratra 12% kosa ny tahan’ny fisondrotry ny karama nandritra ny fitondrana Ravalomanana. Niezaka nitazona ho 10% io salan’isa fiakaran’ny vidin-katsembohan’ny mpiasam-bahoaka io ny fitondrana tetezamita.

Ramano F.