Politique

Kaominina Moramanga Lasan�ny TIM ny toeran�ny Filohan�ny mpanolotsaina

Politique
Alarobia 25 Aprily 2012

Miatrika fivoriana ara-potoana ny Filankevitra monisipaly ao amin�ny Kaominina Moramanga.

Nanomboka ny alatsinainy 23 aprily teo izany, ary haharitra folo andro. Lahadinika ny fifidianana ny filohan’ny mpanolotsaina monisipaly mandritra ity taom-piasana 2012 ity, eo koa ny tetibola fanampiny ary ny kaontim-pitantanana ankoatra ny resaka samihafa. Ny andro voalohan’ny fivoriana no nifidianana filohan’ny mpanolotsaina monisipaly ka voafidy tamin’izany i Fidimanantsoaniaina Robinson Crusoé, izay mpitarika ny Tanora Tiako i Madagasikara ao Moramanga, nahazo vato 3 amin’ny 6 nandatsa-bato. Miisa 8 ny mpikambana ao amin’ny Filankevitra monisipaly ao amin’ny Kaominina Moramanga rehefa voatendry ho sefo Fokontany ny iray tamin’izy ireo, satria 9 teo aloha, ka TIM ny 3 amin’izy ireo. Filoha lefitra Rakotoarimanana Charles (Tsy miankina), ity farany dia filohan’ny Filankevitra monisipaly nandritra ny taom-piasana in’efatra nisesy izay. Voafidy ho mpampakateny voalohany sy faharoa kosa Rakotonanahary de Rosin sy Mihajarivo Randrianasolo.

Nangonin’i Jean D.