Politique

Kaominina Antananarivo Renivohitra Solofo Andrianarisoa no Talen�ny serasera vaovao

Politique
Alakamisy 17 Martsa 2016

Voatendry omaly ny talen�ny serasera vaovao ao anivon�ny Kaominina Antananarivo Renivohitra, dia i Solofo Andrianarisoa na Narisoa Ny Aina no ahafantaran�ny maro azy.

Mpanao gazetin’ny Radiom-pirenena Malagasy na ny RNM izy, mpanentana fandaharana ihany koa tao amin’ity onjampeom-pirenena ity. Mpiasan’ny minisiteran’ny fampahalalam-baovao sy ny serasera hatrany izy hatramin’izay naha mpiasam-panjakana azy izay ka ny ampahany betsaka tamin’ny asa nosahaniny dia mpanao gazety, mpanentana sy mpanatontosa fandaharana. Teo amin’ny asa fanaovan-gazety dia S.A na Solofo Andrianarisoa no nahafantarana azy, mpilaza vaovao tao anivon’ny Radiom-pirenena Malagasy na RNM. Teo amin’ny sehatry ny fanaovana fandaharana sy fanentanana kosa dia Narisoa Ny Aina no nahafantaran’ny mpihaino azy manerana ny Nosy. Ankoatra ny asa tao amin’ny onjampeom-pirenena, nampianatra teo amin’ny sehatry ny asa fanaovan-gazety ihany koa izy tamina Oniversite tsy miankina. Matotra sy manana traikefa amin’ny asa fanaovan-gazety sy ny serasera izy ka antenaina fa hitondra aina vaovao ho an’ny serasera ao anivon’ny Kaominina Antananarivo Renivohitra, ity talen’ny serasera vaovao ity sy ny ekipany.