Politique

Kaominina Ampitatafika Hanamafy ny ady amin�ny tsy fandriampahalemana

Politique
Zoma 23 Martsa 2012

Taorian�ilay fanafihana goavana nihatra tamina tokantrano efatra indray nipoaka tao anatin�ny Kaominina Ampitatafika Atsimondrano ny sabotsy hifoha alahady lasa teo dia tsy nitazam-potsiny ny Kaominina Ampitatafika, fa nandray ny andraikiny avy hatrany.

Nisy ny famoriana ireo sefom-pokontany manerana ireo Fokontany 13, narahin’ireo zandary avy amin’ny tobin-janaparitra miisa efatra eo ambany fiahian’ny Borigadin’ny zandarimariam-pirenenan’i Fenoarivo nahitana an’i Faliarivo, Ampitatafika, Anosizato ary Fenoarivo lehiben’izy ireo, niaraka tamin’ny lehiben’ny Distrikan’Antananarivo Atsimondrano. Araka ny fanazavan-dRakotonizao Liva, tompon’andraikitra eo anivon’ny Kaominina, dia savaranonando fotsiny ihany aloha no anton’ny fihaonan’izy ireo tamin’io andron’ny alarobia io izay marihina fa tsy azon’ny mpanao gazety natrehina. Anisan’izany ny famoaboasana ny andraikitra tokony horaisin’ny tsirairay avy manoloana ny trangan-javatra tahaka ireny fa tsy hiolonolona fotsiny. Tafiditra tao anatin’izany ny fanomezana ny sefom-pokontany tsirairay avy ny laharana finday tokony hahazoan’ny isan-tokantrano ny mpitandro ny filaminana raha sanatria ka misy zavatra mitranga. Teo ihany koa ny fifanomezan’ny roa tonta paikady sy torohevitra izay nijanona ho tsiambaratelon’izy ireo ihany. Nambarany fa anisan’ny lesoka ny havitsian’ny zandary eny.

Pati