Politique

Kandidan’ny TIM eny Antehiroka Vonon-kandresy Rajaonera Samy sy ny ekipany

Politique
Zoma 13 Septambra 2019

Kandida ben’ny tanàna eny amin’ny kaominina Antehiroka amin’ny anaran’ny antoko TIM Atoa Rajaonera Samy Andrianavalomalala. Tafapetraka teny amin'ny OVEC ny alarobia 11 septambra teo ny taratasy filatsahan-kofidiana miaraka amin’ireo lisitry ny mpanolotsaina TIM miara-dia aminy.

Naneho izy sy ny ekipany fa vonona tanteraka amin’ity fifaninanana masina ity, ary tsy hitsapatsapa fa hanao izay faraheriny amin’ny fampandrosoana an’Antehiroka. Efa niomana sy vonon-kandresy fa tsy hanao kitsapatsapa ary mahalala tsara ny filan’ny vahoakan’Antehiroka mba tsy ho mena-mitaha amin’ny hafa ity kaominina ity. Amin’ny anaran’ny TIM ny firotsahana fa tsimialonjafy amin’ny fiaraha-miasa sy ny fifanohanana izy ireo satria ny fampandrosoana no laharam-pahamehana, ka dia misokatra amin’ny rehetra vonona hifanome tànana amin’izany ny kandida Rajaonera Samy sy ny ekipany. Maro rahateo ny fikambanana sy ny olom-pirenena voalaza fa efa naneho fahavononana hiara-kikatsaka ny soa ho an’Antehiroka miaraka amin’izy ireo satria ny miasa miaraka no fahombiazana, araka ny toromarika famerimberin’i Marc Ravalomanana matetika.

Toky R