Politique

Kandida filoham-pirenena Niala an-daharana koa Rakotoaritsifa Hasina

Politique
Alakamisy 02 Mey 2013

Manahy ny hisian�ny korontana sy fifandonana hitranga eto amin�ny firenena aorian�ny datin�ny 3 mey, hamoahan�ny CES na ilay fitsarana manokana misahana ny fifidianana, ny anaran�ireo kandida afaka mifaninana na tsia ny MAMIMI na Malagasy Miray sy Mifankatia izay nanolotra an-dRakotoaritsifa Haino Hasimbola ho kandida filoham-pirenena.

Araka izany dia nanapa-kevitra ny hanatsoaka ny firotsahany ity farany. “Mahatsapa koa izahay fa toa kilalaon-jaza ny raharaham-pirenena noho ny hamaroan’ny kandidà sady tsapa sy ny fisaratsarahan-tsaina. Tsy lazaina intsony izany ny fampiasana ny fitaovam-panjakana sy fanaovana fampielezan-kevitra mialoha ny fotoana ataon’ny kandida sasany”, hoy Rakotoaritsifa naneho ny ahiahiny. Kely finoana ny hisian’ny fifidianana amin’ny 24 jolay amin’izao toe-draharaha izao rahateo ny tenany. “Fampihavanana aloha vao ny fifidianana ka handray anjara mavitrika amin’izany izahay”, araka ny hevi-dRakotoaritsifa ihany. Araka izany dia hiverina amin’ny asa fampihavanana izay nahalalana azy taloha ny MAMIMI ka hiaraka hisalahy amin’ny FFKM. Kandida roa sahady izany izao no nitsoaka an-daharana izay marihina fa samy tsy mpanao politika no tanora ihany koa. Noho ny fanahiana hisian’ny ady ihany koa raha tsiahivina no nahatonga an-dRakotoarijaona Avotra Antsiva Avoko, kandidan’ny antoko MAF hisintona ny firotsahany tamin’ny alahady teo.

Yves