Politique

Partagé sur :
• facebook

Manoloana ny kabary fanokafana ny fivoriana tsy ara-potoana faharoan’ny Filankevitra Ambonin’ny tetezamita tetsy Anosikely omaly talata nataon’ny filohany, ny jeneraly Dolin Rasolosoa, izay nilaza fa “manana andraikitra ny eo anivon’ny parlemantera ka mila firaisankina isika, ho avy ny tafio-drivotra sy “tsunami”, hoy izy, nefa isika eto vatobe miandry azy ka na isika ho rendrika na ho tafita ary aoka ny vahoaka no hitsara”, dia manana ny heviny ireo CST tanora nitafa fohy tamin’ny mpanao gazety :

CST Ratefinannahary Emile Vazaha (TIM Raharinaivo) : hipetraka ho lalàna ny lalàna mikasika ny famotsoran-keloka fa ny fampiharana azy no tokony ho jerena. Mihevitra aho fa mety amin’ny tia tanindrazana rehetra ity lalàn’ny famotsoran-keloka ity, ka ny CFM izay hanao ny fampihavanam-pirenena no tena zava-dehibe ka tokony hatsangana haingana mba handinika ifotony hampisy ny fihavanana Malagasy. Misy zavatra efatra tsy maintsy handalovana hisian’izany fandriampahalemana maharitra izany : fifamelana nasionaly, fampihavanam-pirenena, fanonerana ireo niharam-boina ary ny fanarenana ny firenena.

CST Ranaivoson Désiré (filohan’ny PNJ) :  Ny zava-dehibe dia ny hoe : haorintsika amin’ny inona ny firenena : eo ambonin’ny tsy fahamarinana ve sa amin’ny fahamarinana ? Tsy misy fitoniana miorina eo ambonin’ny tsy fahamarinana. Izay ilay hoe “justice et paix” no miaraka, ka raha tiantsika ny ho tonga amin’ny tanjon’ny fandriampahalemana dia mila hampiharina ny fahamarinana. Ka mila miray hina ao anatin’ny fahamarinana  isika Malagasy.    

Nangonin’i Manohy

Tia Tanindrazana

Samia mijoro ho an'i Gasikara.