Politique

Jeneraly Ravelonarivo Jean Voafidin’ny Kongresin’ny antoko ABA ho filohany

Politique
Alatsinainy 03 Febroary 2020

Nanatanteraka kongresy tsy ara-potoana tetsy amin’ny Big Bang Behoririka tamin’ny zoma faha-31 janoary teo ny antoko politika ABA “Antokom-Bahoaka Malagasy”

nentina nanitsiana ny andininy vitsivitsy tamin’ny sata ijoaroan’ity antoko ity sy ny fitsipika anatiny mifehy azy ary koa nanavaozana an’ireo mpitantana ny birao mpanatanteraka ofisialin’ny antoko na B.E.N “Bureau Executif National” ka lanin’ny kongresy ho filoha nasionaly vaovaon’ny antoko ABA tamin’izany ny Jeneraly Ravelonarivo Jean. Ho Seketera Jeneraly Nasionalin’ny ABA kosa Atoa Rakotonindraina Manantsoa Jeannot. Tonga dia mandray ny toerany sy am-perinasa avy hatrany ireo mpikambana voafidy ao amin’ity B.E.N ity nanomboka tamin’io datin’ny 31 janoary 2020 io hanatanteraka mandritra ny 5 taona ny tarigetran-dry zareo : Vahoaka – Fitiavantanindrazana – Firaisankina – Asa – Fivoarana.

Ntsoavina Evariste