Politique

Jeneraly Ramakavelo D�sir� Philippe Ny Gasy mamono Malagasy amiko dia fahavalo

Politique
Talata 19 Jona 2012

Ny soatoavina malagasy, hoy ny Jeneraly Ramakavelo D�sir� Philippe, dia tsy manaiky izany Malagasy mifamono izany fa isika dia velona iray trano, maty iray fasana.

Ny Gasy mamono Malagasy amiko dia fahavalo, hoy izy. Raha olona mamono ny fianakavianao izao ve, hoy izy, dia ho tantinao ny hijery an’izany ? Mila fandraisana andraikitra hentitra amiko raha ny zava-misy miseho any Atsimon’ny Nosy fa sarotra ny mifampiraharaha amin’ny fahavalo izany. Fa fahavalo amiko fa tsy havana ireo dahalo mamono Malagasy mitovy aminy.

Mikasika ny fifampidinihana sy famahana ny olana dia nazava ny anay tamin’ny taona 1991 fony izahay minisitra tamin’izay fotoana izany, hoy ny jeneraly Ramakavelo, fa nomenay 48 ora ny mpanao politika hamaha ny olana nisy fa raha tsy izany dia handray fepetra hentitra izahay. Dia niravona ny disadisa rehefa nohidiana tanaty efitrano izy ireo. Mikasika ny resaka hoe Jeneraly maro mivangongo eto an-drenivohitra dia tiana ny manamarika, hoy ity jeneraly misotro ronono ity fa misy dia misy ary efa hatramin’izay ny jeneraly maro miasa any amin’ny Faritany hafa ivelan’Antananarivo. Eto amin’ity renivohitra ity koa anefa, hoy izy, no tena iaingan’ny raharaha tena mavaivay sy mafonja amin’ny ankapobeny fa ny any amin’ny Faritany hafa dia mora alamina ihany, ka tsy mahagaga raha eto no ametrahana ny stratejia rehetra.

Manohy