Politique

Jeneraly Camille Vital Atao ambasadaoro any Maorisy ?

Politique
Talata 17 Janoary 2012

Mandeha indray ny resaka ankehitriny fa hatao ambasadaoro atsy Maorisy ny praiminisitra teo aloha, ny jeneraly Albert Camille Vital.

Na dia tsy faly amin'ny fihetsiky ny lehiben'ny miaramila amin'izao fotoana izao aza ny jeneraly Camille Vital tamin'ny tsy nanolorana azy hahazo ny galona jeneraly kintana telo dia mandeha ny fikarohan-tseza any ambadibadika any. Misy ny tsiliantsofina milaza fa hatao ambasadaoro atsy Maorisy ny tenany. Etsy andaniny anefa dia anisan'ireo ambasadaoro mahafatrapo ny FAT ny fiasan’ny am-perinasa ao Maorisy. Izy mantsy no ambasadaoro nahavita nandresy lahatra ny firenena hiasany hankato ny fitondrana FAT. Ho sarotsarotra ho an'ny jeneraly Vital araka izany ny hiady hisolo ny ambasadaoro malagasy any Maorisy io. Tsy ny praiminisitra teo aloha ihany fa fantatra ihany koa fa betsaka ireo mpanao politika miady hanao ambasadaoro any ivelany amin'izao tetezamita izao. Antony maro no fantatra fa mahatonga izany. Ahiana ho rendrika ny sambon'ny FAT ka mitsipatsipaka izy ireo. Antony faharoa ihany koa ny fahazoan'ny mpanao politika malaza ny toeran'ny raharaham-bahiny ka tsy vitsy ireo sahy miady toerana.

Titan