Politique

Jaozandry � �Association Zanak�Antsiranana� �Tsy afaka ny hitoka-monina eto isika�

Politique
Talata 30 Jolay 2013

Tsy hisalasalana, hoy ny tomban’ny mpanara-baovao fa hisosa ho azy tahaka ny teny amin’ny Kongresin’ny tetezamita ny fandanian’ny mpikambana CST an’ilay volavolan-dalàna 2013-013 manova sy mameno ny rafitry ny CES. Raha ny fandinihanay azy mialoha, hoy ny CST Jaozandry avy amin’ny HPM, dia tsy tokony hisy sakantsakana loatra ny fandaniana ity volavolan-dalàna ity satria fanatanterahana ny hetahetan’ny iraisam-pirenena hirosoana mankany amin’ny fankatoavana sy hanatanterahana ny fifidianana. Hatreto, hoy izy, dia tsy mbola afaka miolonolona samirery izany isika fa tsy maintsy mifanaraka amin’ireo vondrona avy any ivelany ireo hatrany. Ka anisan’ny zavatra takian-dry zareo ary izao hirosoantsika izao ny fanitsiana ny rafitry ny CES ka isika indray ve no volo hanoha randrana amin’izany ? Nambaran’ity filohan’ny fikambanan’ny Zanak’Antsiranana lasa CST ity, fa hahavaha ny ampahan’olana ny fandaniana an’ity volavolan-dalàna fananganana ny CES ity. Marihina fa anio hariva no hoentina holaniana eo anivon’ny fivoriana hitambarambe etsy Anosikely ity volavolan-dalàna ity raha anio maraina no hodinihan’ireo mpikambana ao anatin’ireo vaomiera voakasika ny momba azy.

Ntsoavina Evariste