Politique

Iavoloha Niantso ireo miaramila be galona i Andry Rajoelina

Politique
Alarobia 21 Septambra 2011

Hivory eny amin�ny lapan�Iavoloha daholo indray ireo mairamila be kintana sy ireo kolonely mitana fibaikoana eo anivon�ny zandarimariam-pirenena sy ny tafika anio.

Ny antony, araka ny fantatra, dia misy vitsivitsy amin’ireo be galona no tsy manaiky mihitsy ilay tondrozotra natao sonia farany teo. Ny tena marina dia ny fiverenan’ny filoha Marc Ravalomanana an-tanindrazana mihitsy no tsy levon’ny vavonin’izy ireo. Tsy mahagaga izao tranga izao satria izy ireo no anisan’ny nanongana ny fitondrana teo aloha. Anisan’ireo tena tsy manaiky amin’izany ny lehiben’ny etamazaoro jeneralin’ny Tafika ankehitriny. Misy ihany koa ny jeneraly zandary izay fantatry ny maro tamin’ny fiarovana ny FAT tamin’ireo hetsiky ny tia tanindrazana na sivily io na miaramila. Manahy noho izany sao hisy ny fitsimbadihan’ireo miaramila amin’ny filohan’ny FAT ka izao nampiantsoana izao haingana. Azo itarafana ihany koa anefa izany rehetra izany fa tsy matoky ny mpanao politika manohana azy intsony i Andry Rajoelina. Izao fihetsiny izao dia milaza fa aleo miantehitra amin’ny miaramila, toy izay hiditra amin’ny fifanarahana politika hampisy fitoniana. Ho hita eo ny tohiny.

Mohamed