Politique

Hetsiky ny Rodobe Hangotraka tanteraka Antsirabe

Politique
Zoma 16 Septambra 2011

Anjaran�ny ireo olo-maventy ao amin�ny Magro Antsirabe indray ny hitarika ny hetsika rahampitso sabotsy ka mivonona ny amin�izany ny Rodobe Antsirabe, tarihin�Atoa Rakotomamonjy Roland Michel sy Dr Raharijaona.

Raha ny fandaharam-potoana dia hisy ny fanentanana samihafa ary ankoatra izay dia hisy ny fanomezam-baovao mikasika ny fivoaran’ny raharaham-pirenena amin’izao fahatongavan’ny iraky ny Troika izao. Fitarihana fotsiny moa ny an’ireto olo-maventy ireto fa handray anjara feno tanteraka amin’ity hetsika ity avokoa ireo vondrona sy fikambanana samihafa mandrafitra ny ankolafy Ravalomanana.

Raha mahakasika ny zava-misy eto amin’ny firenena amin’izao fotoana moa dia nambaran’ireto mpitarika ireto fa amin’izy ireo dia ny FAT no misafidy handatsaka ny firenena ao anatin’ny kirizy lalina amin’izao fotoana ka tsy manaiky sori-dalana omen’ny mpanelanelana iraisam-pirenena. Amin’izy ireo dia tompon’antoka tanteraka amin’izao krizy lalina lalovan’ny firenena izao ireo mpitondra amin’izao fotoana ka tsy tokony hailika amin-dRavalomanana any andafy ny tsy fahombiazany. Rahampitso sabotsy izy ireo no hanazava misimisy kokoa ny fahitany ny raharaham-pirenena, mandritra ny fihaoanana ao Avaratsena.

Caïus R.