Politique

Hetsiky ny olom-pirenena miady amin’ny hala-bato Mampiomana ny vahoakan’Antananarivo

Politique
Alakamisy 09 Janoary 2020

Eo am-piandrasana ny voka-pifidianana avoakan’ny tribonaly misahana ny ady amin’ny fanjakana isika izao, hoy ny mpitari-tolona eo anivon’ny hetsiky ny olom-pirenena miady amin’ny hala-bato sy hoso-pifidianana na MCFIE,

Henry Rakotomalala na Riribe. Manamafy izahay fa raha voka-pifidianana mampandany kandida amin’ny hala-bato no mivoaka eto Antananarivo dia mazava ho azy fa tsy hanaiky izany izahay. Hanohy ny tolona amin’ny ady amin’ny tsy fahamarinana izahay ary hanomananay sahady ny fo sy ny sain’ny vahoakan’Antananarivo izany fa raha valim-pitsarana miangatra toy ny navoakan’ny HCC ka hampandany kandidam-panjakana no mivoaka eo dia miala tsiny izahay fa tsy maintsy hanohy ny tolona hatramin’ny farany ary efa tenin’ny kandida Rina Randriamasinoro fa vonona izy . Vonona koa izahay manotrona azy, noho izany, hoy ity mpitari-tolona ity.

J. Mirija