Politique

Hajo Andrianainarivelo Mihizingizina amin�ny fifidianana filoham-pirenena

Politique
Alarobia 10 Jolay 2013

Mizara roa ny mpisehatra politika amin�izao.

An-daniny ireo manohana ny fifidianana, an-kilany ireo mihevitra fa fampihavanana sy fametrahana rafitra mafy orina aloha no maika. Mbola mizarazara koa anefa ny hevitr’ireo mpomba ny fifidianana. I Andry Rajoelina sy ny mpomba azy dia manitrikitrika fa tsy mety ny manatanteraka fifidianana filoham-pirenena ka mandroso soso-kevitra hanatanteraka fifidianana solombavambahoaka. Ry profesora Zafy Albert indray dia ny fifidianana lalàmpanorenana no asisiny mafy. Ho an’ny kandida filoham-pirenena Hajo Andrianainarivelo dia fifidianana filoham-pirenena ihany no ady eo.

“Amin’izao fotoana izao dia olona hisolotena ny vahoaka Malagasy no maika, dia Raiaman-dreny eken’ny eto an-toerana sy ny any ivelany ihany koa. Fifidianana filoham-pirenena noho izany no tokony hatao mialoha, satria tsy mahatsapa ho manana tompon’andraikitra filoham-pirenena intsony ny Malagasy amin’izao fotoana izao. Mampitarozaka ny fahasahiranan’ny vahoaka fotsiny ny ankoatra izay, nefa izao iarahantsika mahita izao fa betsaka ny fahasahiranan’ny vahoaka”, hoy izy.

Yves