Politique

“Haja boum” Vonona hampandroso an’Ambohimangakely

Politique
Zoma 13 Septambra 2019

Nitohy tamin’ny alalan’ny fanaovana didimpoitra maimaimpoana, ny fanaovana asa sosialy efa fanaon’ny antoko Tiako I Madagasikara, eny Ambohimangakely hatramin’izay.

Nanamarika rahateo Razanakoto Hajasoa Pascal na “Haja boum”, ity farany izay kandidà ho ben’ny tanàna eny Ambohimangakely fa tsy hijanona hatreo akory ny asa fanasoavana sy fanampiana ny mponina eny an-toerana fa hitohy hatrany ho fanamaivanana ny fahantrana sy ny fahasahiranana baben’ny vahoaka Malagasy ankehitriny. Ampahany amin’ny fanohizana ny asa ny fanorenana sy fanavaozana lava-drano ary ny fampidirana herinaratra eny ambanivohitra amin’ny alalan’ny fampiasana ny herin’ny masoandro. Efa matipaika rahateo ny drafitrasam-pampandrosoana ho an’ny kaominina Ambohimangakely rehefa mby eo amin’ny toeran’ny Ben’ny tanàna ny tenany. Efa vonona tanteraka ho amin’ny fiatrehana ny fifidianana ho ben’ny tanàna sy mpanolotsaina hotanterahana ny alarobia 27 novambra ho avy izao, araka izany, ny antoko Tim eny Ambohimangakely.

Toky R