Politique

Governemanta Ntsay Christian Tsy mahasolo tena ny faritra 22, hoy ny filohan’ny Za Gasy

Politique
Talata 29 Janoary 2019

Nivoaka tamin’ny fahanginany omaly ny filohan’ny fikambanana Za Gasy, Ratiharison Jean Navandahy taorian’ny nijoroan’ny governemanta Ntsay Christian.

Nambarany fa nisy ihany ny fomba fijery nitovizan’ny roa tonta saingy kely. Anisan’ny nankasitrahany manokana ny fametrahana ny fizakantenan’ny faritra amin’ny alalan’ny fametrahana ireo governora amin’ny faritra 23. Ny hitany lesoka kosa ary nanaovany fanamarihana kely dia tsy mahasolotena ny faritra 22 ireo mpikambana eo anivon’ny governemanta. Misy amin’ireo faritra aza, hoy izy no nomena tombony kokoa dia ny eto Antananarivo. Manantena ity filohan’ny fikambanana Za Gasy ity fa tena hanao be tokoa araka ny diplaomany ireto mpikambana vaovao eo anivon’ny governemanta ireto. Mikasika ilay fametrahan’ny filoham-pirenena fifanarahana amin’izy 22 mianadahy mianaka minisitra dia nambarany fa ny filoham-pirenena mihitsy no tokony hanao izany amin’ny vahoaka amin’ny alalan’ny velirano nataony fa tsy ankinina amin’ireo mpikambana eo anivon’ny governemanta. Mitohy hatrany ny asa entina hanasoavana ny firenena ho an’ny fikambanana Za Gasy tarihiny. Hitohy hatrany ny asa fanasoavam-bahoaka izay niantsorohany hatramin’izay ary vonona izy ireo handray anjara amin’ny fifidianana rehetra misy eto amin’ny tany sy ny firenena.

Pati