Politique

Gadra politika Navoaka avokoa ireo sivily ambiny tany am-ponja

Politique
Alatsinainy 23 Janoary 2012

Ny zoma 20 janoary lasa teo no nivoahan�ireo sivily gadra politika hany sisa tavela tany am-ponja.

Niisa fito izy ireo no namarana ny lisitra tamin’ireo an-jatony nifandimby niditra tany am-ponja noho ny raharaha politika hatramin’ny taona 2009 no ho nankaty. Izany dia nanomboka tamin’ny fisamborana ireo parlemanteran’i Vakinankaratra, efa-dahy, nosamborin’ny FIS notarihin’ny komandà Charles Andrianasoavina tamin’izany fotoana, teny Ambohipo ny 23 martsa 2009. Mbola tavela any am-ponja mandrak’izao kosa ireo zandary sy miaramila miisa 34 lahy, voarohirohy noho ny raharaha FIGN ny 20 mey 2010 sy BANI ny 17 novambra 2010. Maro amin’izy ireo anefa no iray afera tamin’ireny sivily efa navoaka ireny. Eo ny fanontaniana no mipetraka hoe fampiharana ny andininy faha-16 amin’ny tondrozotra ve no natao teto sa zavatra hafa ?

Jean D.