Politique

Partagé sur :
• facebook

Nisintona ny fangatahana nataony hahazoana fahafahana vonjimaika ireo gadra politika 28 lahy ao Tsiafahy, raha efa tsy nety nanao izany, araka ny toromariky ny minisitry ny fitsarana tonga tany amin’ny fampanoavana ny tao Antanimora.

 Nihemotra ireo tany Tsiafahy, rehefa nampahafantarin’ireo havany sy ny fikambanan’ny gadra politika izy ireo fa sady mifono fitaka ny fampanaovana azy ireo izany, no tsy fantatry ny ambaratongam-pitondrana, indrindra ny praiminisitra izay lehiben’ny mpiasam-panjakana, ny fisiany. Nisy ny taratasy mampahafantatra izany sy ny fandavana io fangatahana fahafahana vonjimaika io nalefan’ny fikambanan’ny gadra politika tany amin’ny praiminisitra Beriziky. Nahazo dika mitovy amin’io ny minisitry ny fitsarana, ny fampanoavana ireo mpisolovavan’ny voafonja ary ireo voafonja any Tsiafahy sy Antanimora.

Vokatr’io taratasy io no nisintonan’ireo voafonja ao Tsiafahy nisintona ny fangatahana fahafahana vonjimaika nataon’izy ireo ny alahady teo, sy nanamafisan’izy ireo fa ny fitakiana ny hampiharana ara-bakiteny ny andininy faha-16 sy faha-20 amin’ny tondrozotra, manafoana ny fanenjehana ara-pitsarana. Tokony ho efa any am-pelatanan’ny minisitry ny fitsarana io taratasy io rehefa avy mandalo ny ambaratongam-pahefana. Re anefa fa misy ny fandrirarirana tsy hamoaka ireto gadra politika ireto, izay mbola misy 44 no tavela any am-ponja.

Nangonin’i Jean D.

Tia Tanindrazana

Samia mijoro ho an'i Gasikara.