Politique

Gaby Vakiniadiana Nisy nandrahona an-telefaonina

Politique
Talata 05 Desambra 2017

Omaly alina tamin’ny 8 ora sy 40 minitra dia nandefa fitarainana tamin’ny antso an-tariby teto amin’ny gazety Tia tanindrazana ny mpanao politika, Gaby Vakiniadiana,

fa nisy olona niantso niantso azy tamin’ny findainy, ora iray mialoha io, izay nilaza fa tompon’andraikitra ambony ao amin’ny varavarana 001 ao amin’ny zandary Ankadilalana sady eny Fiadanana. Nilaza, hoy izy, io olona io, fa hisambotra ahy rahampitso talata (TTF: Anio). 03392….., hoy izy, no laharan’ilay finday niantso. Fanosoram-potaka ny zandarimaria ve sa zavatra hafa kosa no ao ambadiky ny antso, raha nisy tokoa, fa isan’ny fanontaniana mipetraka aloha dia hoe fa maninona no ao anatin’izao vanim-potoana akaiky fifidianana izao no mitranga ny toy izany?

J. Mirija