Politique

Frank�f�nia Tombontsoa lehibe ho an�Antananarivo

Politique
Zoma 15 Jolay 2016

� Mino isika fa ho tanteraka eto Antananarivo renivohitr�i Madagasikara ny fihaonana an-tampon�ny Francophonie hatao ny 26 sy ny 27 novambara ho avy izao �.

Nivoitra io nandritra ny fihaonana teo amin’ny Ben’ny tanànan’Antananarivo, Lalao Ravalomanana, tamin’ny Sekretera Jeneralin’ny Frankôfônia, Michaelle Jean, omaly antoandro tao amin’ny Lapan’ny tanàna Analakely.

« Tombontsoa lehibe ho an’i Madagasikara sy Antananarivo ny fandraisana io fihaonana an-tampony io », hoy Rtoa Michaelle Jean satria firenena miisa 80 no ho tonga eto Madagasikara, mandritra ny roa taona koa avy eo dia i Madagasikara no ho filohan’ny Frankôfônia, ka ho afaka hitondra ny fahitany ny fampivoarana eto amin’izao tontolo izao. Ny Frankôfônia dia fifampizarana traikefa sy ny fahaiza-manao, fanampiana ireo mpandraharaha, fanampiana ny tanora indrindra indrindra ihany koa, hoy izy.

Matotra ny fiaraha-miasa eo amin’ny tanànan’Antananarivo sy ny Frankôfônia, hoy kosa ny Ben’ny tanàna, Lalao Ravalomanana, amin’ny ho fandraisana io fivoriambe iraisam-pirenena io ka anio ihany dia efa hisy ny dinik’asa eo amin’ny fiadidiana ny tanàna sy ny avy amin’ny delege jeneralin’ny Frankôfônia eto an-toerana. Ilaina foana ny fiaraha-miasa, hoy ny ben’ny tanàna.

Jean D.