Politique

« Force de changement » Hidina an-dalambe

Politique
Talata 08 Aogositra 2017

Omaly indray vao nipoitra tetsy amin’ny AKFM Andravoahangy ny vovonana politika,

Force de changement, taorian’ny fitetezam-paritra nanaovan’izy ireo fanentanana mba hiditra ho mpikambana ao anatin’ity lazain’izy ireo fa herin’ny fiovana eto amin’ny firenena ity. Nanao fakan-kevitra sy nanentana ireo mponina hanaraka ny hetsik’izy ireo tsy hanaiky intsony ny fomba fitantanana ankehitriny moa no natao, raha ny fanazavana, ka hiainga eto Antananarivo ny baiko rehetra. Ny alakamisy izao no mikasa hametraka ny taratasy fangatahana hidina an-dalàmbe eny anivon’ny prefektioran’Antananarivo ity vovonana ity ary nilaza moa izy ireo fa mino sy manantena fa ho ekena ny fangatahiny. Mbola tsy nampahafantarina kosa ny toerana hihetsehana fa ho hita eo, hoy ny fanazavana ny fepetra ho raisina, raha sanatria misy fandavana satria tsy an’ny prefen’Antananarivo.

J. Mirija