Politique

Partagé sur :
• facebook

Taorian’ny federasionan’i Rosia dia i dokotera Ikiliou Dhoinine, filoham-pirenen’ny Vondron’i Kaomoro no naneho ny fanohanany an’i Madagasikara amin’ny fitakiana ireo nosy « éparses » aty amin’ny ranomasimbe Indiana.

Tsy dia lava ny valin-teniny raha nanontaniana ny mety ho herijikan’i Madagasikara amin’ny hahazoana indray ireo nosy ireo ny filoham-pirenena kaomorianina  fa nanambara kosa ny tenany fa mpirahalahy  mian’ala i Kaomoro sy Madagasikara ka mifanampy. Momba ny fitakiany ny famerenana amin’izy ireo ny nosy mayotte izay  lasan’ny Frantsay ihany koa dia hentitra tampoka ny dokotera Ikiliou Dhoinine nanamafy fa an’i Kaomoro eo anatrehan’ny  lalàna iraisam-pirenena i Mayotte.

Omaly  no  nifarana tanteraka ny fivahinianana  nataon’ity  mpitondra fanjakana  kaomorianina ity teto Madagasikara ka niompanan’ny  fifanarahan’ny firenena roa tonta ny nanatsarana indray ny fifanaraham-piaraha-miasa  misy eo amin’ny firenena roa tonta izay efa vita sonia tamin’ny taona 1987. Voaresaka  tamin’izany ny famaritana ny fari-dranomasin’ny  firenena roa tonta, ny fanatsarana  ny fifanakalozana ara-barotra sy ny fanamorana  ny fifamezivezen’ny olona ho an’ny roa tonta. Ho an’ireo mpianatra kaomorianina mandranto fianarana aty Madagasikara dia voaresaka  ihany koa ny fanamorana ny  fanomezana azy ireo ny alalana  hitoetra eto. Ary ny farany dia ny fametrahana ny fifanaraham-piaraha-miasa eo amin’ny  oniversiten’ny firenena roa tonta.

Tia Tanindrazana

Samia mijoro ho an'i Gasikara.