Politique

Fitakiana ny Iles Eparses Manaitra ny filohampirenena ny ANM

Politique
Alarobia 16 Aogositra 2017

Nandefa taratasy misokatra miantefa any amin’ny filohampirenena ny avy eo anivon’ny ANM na association nosy Malagasy ny sabotsy teo.

Fitakiana ireo nosy Malagasy (Iles Eparses) sy ny fanomezan’ny fitondram-panjakana frantsay tambiny ho an’ny fianakavian’ireo mpanjono malagasy niharam-boina tany an-dranomasina vokatry ny fihetsiky ny tafika frantsay ny 29 martsa 2014 teo no iangavian’ity fikambanana ity mba hoentin’ny filoham-pirenena eo anivon’ny fivoriamben’ny firenena mikambana atao any New york amin’ny volana septambra ho avy izao. Nampatsiahivin’ny fikambanana fa araka ny fehin-kevitra tapaka nandritra ilay fikaonan-doham-pirenena hamerenana ireo nosy manodidina ny 23 jolay 2016 tao amin’ny lapan’ny tanànan’Antananarivo Renivohitra izay nandraisan’ny solontenan’ny olom-boafidy, ny antoko politika sy ny fiarahamonim-pirenena, ny mpitondra fivahanana, ireo Raiamandreny ara-drazana, ny avara-pianarana, ny tanora, ny vehivavy avy amin’ny faritra 22 eto Madagasikara dia takiana ny famerenan’ny fitondram-panjakana frantsay tsy misy hatak’andro ireo nosy malagasy dia ny Iles Glorieuses sy Juan de Nova ary Europa et Bassas da India. Tsy ekena koa, hoy ity fikambanana ity, ny fiaraha-mitantana (co-gestion) ireo nosy malagasy ireo, Mety hisy hihain o ihany ve ry zareo ireto ?

J. Mirija