Politique

Firaisamonim-pirenena “Tsy manisy lanja ny fifidianana mpanolotsaina”, hoy ny KMF-Cnoe

Politique
Alakamisy 14 Novambra 2019

Mbola vitsy amin`ireo olom-pirenena Malagasy no mahafantatra fa hisy fifidianana amin`ny 27 novambra izao.

Misy ihany ireo mahafantatra saingy ny fifidianana ben`ny tanàna ihany no fantany. Tsy ampy ny fampahafantarana sy fanentanana amin`ny mponina amin`ny karazana fifidianana roa hatrehina eto amin`ny firenena. Tsy fantatry ny ankamaroany ny hataony mandritra ny fifidianana. Ny fanentanana dia andraikitry ny firaisamonim-pirenena saingy ny fifidianana ben`ny tanàna ihany no fantatry ny mponina, hoy ny tatitry ny KMF-Cnoe. Ny ankamaroan`izy ireo dia tsy manisy lanja amin`ny fifidianana mpanolotsaina izay atao amin`ny 27 novambra izao. Mitana andraikitra lehibe amin`ny fitantanana ny tanàna anefa izy io. Ankoatra ny fanentanana dia mijery ireo trangana tsy fanarahan-dalàna mandritra izao fampielezan-kevitra izao ny KMF-Cnoe. Rehefa misy tsy fanarahan-dalàna dia mametraka fitoriana toy izay efa nataon`izy ireo tamin`ny fifidianana solombavambahoaka ihany koa ny KMF-Cnoe.

Marigny A.