Politique

Fiombonamben�ny Sakalava eto Madagasikara Mitaky praiminisitra vaovao mahavita azy

Politique
Talata 16 Febroary 2016

Mitaky praiminisitra vaovao mahavita azy ny fiombonamben�ny fikambanana Sakalava eto Madagasikara tarihin�ny filoha nasionaliny Manjary Fid�le.

Resy lahatra izy ireo fa mandalo fotoan-tsarotra tokoa ny fiainam-bahoaka ankehitriny toy ny tsy fandriampahalemana izay hitrangana vono olona isan’andro, ny fanimbana ny tontolo iainana, ny faharatsian’ny lalana isam-paritra, ny fahantrana omban’ny tsy fisian’asa… Mitaky olona mahavita azy afaka mahavaha ireo olana ireo ny fikambanana. Tsy nanolotra anaran’olona izy ireo fa namariparitra izay tokony ho toetra takiany amin’io praiminisitra vaovao io sy ny traikefany kosa. Anisan’izany ny hoe : mba hanompo vahoaka fa tsy hotompoin’ny vahoaka, hampandroso ny firenena ary tsy mbola hita taratra teo amin’ny sehatra politika, manana traikefa amin’ny fiarovana sy ny fanondrotana ny orinasa Malagasy, mikendry hatrany ny hampivoatra ny tantsaha sy ny vahoaka Malagasy manontolo, mahay mitantana ary mankasitraka ny fitsinjarana ara-drariny ny fiharian-karena isam-paritra, mahay mifandray amin’ny mpanao politika, ny mpandraharaha ary farany izay tsy kely akory dia hiaro sy hikajy ny tontolo iainana. Nitafa tamin’ny mpanao gazety izy ireo omaly.

Pati