Politique

Fikambanan’ny Tangalamena “Aleo hataonay ny fampihavanam-pirenena”

Politique
Zoma 14 Febroary 2020

Mbola mitombina ny fanaovana fampihavanam-pirenena araka ny fomba maha Malagasy, hoy ny fikambanan’ny Tangalamena eto Madagasikara.

Tsy maintsy miverina amin’izany ny firenena iray raha te handroso, hoy Ramandimbison Paul, filohan’ny fikambanana. Io ihany no mitondra fihavanana eto Madagasikara fa tsy fihavanana nankinina tamin’ny rafi-panjakana toy ny filankevitry ny Fampihavanam-pirenena (CFM) na fihavanana kisarisary ambony latabatra. Lasa kajikaly politika ny fomba hitondrana ny fampihavanam-pirenena eto amintsika, hoy ny fikambanan’ny Tangalamena. Misy ny antso avo nataon’izy ireo amin’ny filohan’ny repoblika amin’ny fanomezana azy ireo ny fitarihana ny fanatanterahana izay fampihavanam-pirenena.

Marigny A.