Politique

Fifidianana Tokony hoferana ny vola ampiasain�ny kandida

Politique
Zoma 04 Jolay 2014

Manatanteraka atrikasa etsy amin�ny Dlc Anosy nanomboka omaly ireo mpikirakira ny fifidianana eto amintsika hahafahana manitsy ny lesoka hita tamin�ny fifidianana notanterahina farany teo teto amin�ny firenena

Anisan’ny mandray anjara amin’izany ny solontenan’ny Cenit, ny fitsarana, ny Samifine, ny Bianco, ny Ces, ny Hcc, ny Kmf-knoe, ny atitany…. Manangon-kevitra sy mampahafantatra ny zavatra hitany sy tsapany ny tsirairay hahafahana mamoaka fehin-kevitra entina hanatsarana ny fifidianana ho avy izao. Lohalaharana amin’izany ny resaka vola izay tsikaritr’ireo mpandray anjara fa tena tsy nitovy tokoa. Nisy ireo kandida diso nampiasa volabe tokoa, izay tsy fantatra hoe : avy aiza marina raha nisy koa ireo tsy dia afa-nanoatra loatra. Vokany, tena tsy nitovy ny fahafahan’ny kandida tsirairay avy ka tsy maintsy hasiam-panitsiana hahatongavana amin’ny tena mangarahara marina. Ny tanjona moa, araka ny fanazavana azo dia ny mba hizoran’ny fifidianana araka ny tokony ho izy no sady eken’ny rehetra.