Politique

Fifidianana loholona Hivoaka anio ny vokatra ofisialy

Politique
Zoma 22 Janoary 2016

Hivoaka amin�ny fomba ofisialy anio eny amin�ny fitsarana avo momba ny lal�mpanorenana (HCC) Ambohidahy ny vokatry ny fifidianana loholona notanterahina ny 29 desambra lasa teo

. Inoana fa tsy hisy ny fiovana be fa dia fandresena miezinezina ny an’ny antokon’ny fitondrana HVM. Raha ny vokatra vonjimaika navoakan’ny CENI ny 9 janoary lasa teo dia nahazo ny laharana voalohany ny HVM nahazo ny 65%-n’ny vato manankery, faharoa ny TIM (10%) ary fahatelo ny Mapar (6%). Nitsipaka avy hatrany ity vokatra ity moa ireo vondrona politika tsy miaraka amin’ny fitondrana ary niaraka nanambara ny fisian’ny hosoka sy halabato ny TIM, Mapar, MMM sady nandrafitra taratasy fitoriana. Maro ihany koa ireo kandida nanao izany tamin’ny distrika maro .63 ny loholon’i Madagasikara araka ny lalàmpanorenan’ny repoblika faha IV, ka ny 42 nofidian’ireo mpifidy lehibe tamin’ny 29 desambra ary ny 21 kosa hotendren’ny filoham-pirenena. Ho tapaka moa ny lalana mampitohy an’Ambohitsorohitra, manodidina ny minisiteran’ny varotra ary manodidina ny faritany Ambohidahy anio maraina mandritra ity lanonana ao amin’ny HCC ity.

RTT