Politique

Fifidianana Hataon�ny tanora TIM andrimaso

Politique
Alatsinainy 25 Martsa 2013

Anisan’ireo tompon’andraikitra ao amin’ny antoko Tiako i Madagasikara (TIM) nandray anjara tamin’ilay fiofanana nomena an’ireo mpanao politika sy delegem-pifidianana isan-tokony tetsy amin’ny Carlton Anosy ny 19 sy 20 martsa teo izay notarihan’ny EISA Madagascar sy Tchad, ny filohan’ny «Jeune TIM» Analamanga, ny CT Ravololofanja Aurélie ka nahatsapa ho manana andraikitra lehibe hampita ny zava-baovao betsaka norantoviny tao amin’ireo tanora TIM tarihany izay maro no nanaiky an-tsitrapo hiantsoroka ny asana delegem-pifidianana ho an’ity antoko ity. Feno dia feno, hoy izy, ny hevitra nampitaina ny vahaolana nomen’ireo mpampiofana teto amin’ny Carlton mikasika ny resa-pifidianana manomboka amin’ny fanentanana ny olom-pirenena feno taona hisoratra anarana anaty lisi-pifidianana ka hatramin’ny fanaraha-maso ny vokatra mivoaka ka tsy maintsy hampahafantarina ny tanora namana avokoa izany rehetra izany. Izay rahateo no tena andraikitry ny mpanao politika, hoy ity mpikambana ao amin’ny Kongresin’ny tetezamita avy amin’ny ankolafy Ravalomanana ity, mba tsy haha tompontrano mihono ny vahoaka malagasy amin’ny ankapobeny.