Politique

Fiatrehana ny frankofonia Sahiran-tsaina ireo mpampitony

Politique
Alatsinainy 21 Novambra 2016

Hanomboka anio dia ho renivohitry ny frankofonia i Madagasikara, hoy ny minisitry ny raharaham-bahiny, Beatrice Atallah, ka aoka hatsahatra hatreo aloha ny adilahy politika rehetra.

Niantso fitoniana ihany koa ny avy eo anivon’ny fivondronamben’ny demokraty kristianina eto Madagasikara na ny Dekma KMTP ary nanao fanambarana ny faran’ny herinandro teo fa noho ny tombontsoam-pirenena sy iraisam-pirenena dia miantso ny Malagasy rehetra izy ireo ho tony sy hampiseho fahendrena maha Malagasy manomboka rahampitso ka hatramin’ny fiafaran’ny frankofonia. Ho an’ny kaominin’Ivato manokana, izay heverina fa vavahadin’ny firenena, dia nanamafy ny tompon’andraikitra fa miasa avokoa ireo taksibe eny an-toerana amin’io fotoana io saingy ho fitandroana ny loza mety hitranga noho ny resaka fifamoivoizana eo amin’ireo Malagasy sy masoivoho vahiny kosa dia hohamafisina ny fanaraha-maso amin’ny fijanonan’izy ireny amin’ny fiantsonana ara-dalàna, indrindra amin’ny lalam-pirenena faha-52. Sarotra ny hampiato fiara fitaterana miisa 400 kanefa an’aliny ny mponina eny an-toerana, hoy ny tompon’andraikitra. Ho fandaminana ihany no antony nampiatoana ireo posy sy sarety amin’ny antoandro.

Mirija