Politique

Fiarovana ny harena voajanahary Tena sahy tokoa ve ny filoha ?

Politique
Alarobia 02 Martsa 2016

Nanambara ho ren-tany sy ren-danitra ny filoham-pirenena Hery Rajaonarimampanina omaly teny amin�ny lapan�Iavoloha fa tsy hijanona fa hitohy hatrany ny ady atao amin�ireo mpijirika ny harena voajanaharin�ny malagasy ary hampiharina amin�izy ireo ny lal�na na iza na iza.

Nandritra ny valandresaka niarahany tamin’ny filohan’ny Vondron’i Kaomoro dia nanambara ny fahavononany hiaraka hiaro ny fari-dranomasin’ny Malagasy sy ny harena ao aminy miaraka amin’ireo firenen-kafa aty amin’ny ranomasimbe Indiana ihany koa ny filoha malagasy. Mahavelom-bolo ny mandre izany teny feno fampanantenana rehetra izany ary dia andrasana izay mety ho fihetsiky ny mpanao fanadihadiana voakasika. Raha tsy hiteny afa tsy ny andramena mantsy dia nanizingizina ny praiminisitra teo aloha fa fantatry ny minisitra ankehitriny avokoa ireo olona ao anatin’ny lisitry ny mpanondrana an-tsokosoko ity hazo sarobidy ity. Momba ny raharaha vatosoa Anjozorobe ihany koa dia ny zanaky ny filoham-pirenena mihitsy no voatonontonona an-gazety. Ka hatraiza no tena fahasahiana hikatsaka ny marina mba tsy ho lasan-ko vavany toy ny haron-tabebaka fotsiny ?