Politique

Fiarovana ireo trozona Mirotsaka an-tsehatra ny orinasa STAR

Politique
Sabotsy 04 Jona 2016

Mandray anjara feno amin�ny fiarovana ny trozona eo Madagasikara ny orinasa Star.

Manaporofo izany ny naneken’ity orinasa iray ity hanohana ilay “Festival des baleines andiany faharoa” hotanterahina any Nosy Boraha ny 02 ka hatramin’ny 10 jolay ho avy izao. Vokatry ny ezaky ny fikambanana CETAMADA sy ny ofisim-paritry ny fizahantany any Sainte Marie no angady nananana sy vy nahitana izany hahafahana manentana ny mponina sy ireo mpiara-miombon’antoka rehetra amin’ny fampiroboroboana ny fizahantany any amin’iny faritra iny amin’ny alalan’ny fisian’ireo trozona any an-toerana hampiakarana ny toekarem-pirenena. Hetsika maro samihafa no handravaka ny fotoana mandritra io sivy andro io. Anisan’izany ny fanentanana maro isan-tsokajiny, ny hazakazaka am-bisikileta, ny varotra fampirantiana, ny fandehanana mijery ny ora fivoahan’ny trozona. Nanavao ny fanohanany sy ny fandraisany anjara indray amin’ny fiarovana ireo zava-manan’aina sy harem-pirenena eto amintsika ny orinasa Star, indrindra fa ho an’ny distrikan’i Sainte Marie manokana izay hampiantrano. Tsiahivina moa fa i Julien Lepers no ray mpiahy ity Festival des baleines andiany faharoa ity.

Pati