Politique

Fiarahamonim-pirenena Mandindona ny hitroatra

Politique
Sabotsy 17 Martsa 2018

Ireny efa hita tamin’ny alakamisy ireny izany ny firaisankinan’ny Malagasy rehefa misy zava-mitranga tsy ankasitrahany ka voaentana tsara izy.

Na dia 5 minitra monja aza no nangatahan’ny fiarahamonim-pirenena hitabataban’izy ireo izay marary azy dia tsy ampy fa nihoatra 10 minitra mihitsy. Ho taitra ve ny fitondram-panjakana nanoloana ny zava-niseho ? Raha ny hita hatreto aloha dia ny mifanohitra amin’izay fanontaniana izay. Hanamaivana izany ve ny fitondrana HVM ? Ny fiarahamonim-pirenena hatramin’izay no azo lazaina ho vondrona nohenoin’ny fianakaviambe iraisampirenena, indrindra ary heverina fa mbola vokatry ny fitarainan’izy ireo ihany koa no tsy mampirotsaka ny famatsiam-bola avy atsy avy eroa tao anatin’izay 4 taona izay. Mandindona ny hitroatra amin’izay anefa izy ireo ankehitriny. Asa ny fitondram-panjakana na mba hitady vahaolana hafa iadiana amin’ny krizy na mbola hanohy ny amboletra ka hanao tandrevaka ny seraserany ihany manoloana ny toe-draharaha.

J. Mirija