Politique

Partagé sur :
• facebook

Antoko politika miisa 14 mijoro ara-dalàna eny anivon’ny minisiteran’ny Atitany no mivondrona ao anatin’ny fianakaviamben’ny mpanohitra ankehitriny, araka ny fanazavan-dRasambozafy Cyrille.....

Manoloana ny tsy nahitana marimaritra iraisana tamin’ny fifidianana izay ho lehibe mpitarika ny mpanohitra, nandritra ny fihaonambe natao tao amin’ny Mon Goûter Andrefan’Ambohijanahary farany teo dia miezaka manitsy ny lesoka sy mitondra fomba fijery vaovao amin’ny fanaovana politika eto Madagasikara amin’izao fotoana izao ireo antoko politika sokajiana ho mpanohitra. Voambolana roa goavana tian’izy ireo hapetraka ny mangarahara sy ny fifampitokisana manoloana ny zava-misy eto amin’ny firenena. Tsy laharam-pahamehana ho azy ireo aloha ny fikatsahana ny toeran’ny lehiben’ny mpanohitra eny anivon’ny Antenimieram-pirenena, hoy ity mpikambana parlemantera nandritra ny tetezamita ity. Ny antony dia satria manjaka loatra ny kolikoly ao anatin’ity andrim-panjakana mpanao lalàna ity ka tsy misy antenaina ny aminy no mahamenatra ny zava-mitranga ao. Tanjon’ny fikaonan-doha izay ketrehin’izy ireo ankehitriny moa ny hamoaka velirano ekena sy hankatoavin’ireo mpikambana mpanohitra rehetra. Takian’izy ireo ihany koa ny famaritana mazava ny fitsipi-dalao ara-dalàna mba tena ho mpanitsy sy mpananatra ny tsy mety hataon’ny mpitondra ny fikambanamben’ny antoko mpanohitra mijoro  ara-dalàna eto Madagasikara.  Andrasana ny ho tohin’ny raharaha.

Tia Tanindrazana

Samia mijoro ho an'i Gasikara.