Politique

Fiadidiana ny Tan�nan�Antananarivo Tsy hilefitra manoloana ireo tsy tan-dal�na

Politique
Zoma 10 Jona 2016

Nitohy teny Analakely ny asa fandaminana sy fanadiovana tan�na tanterahin�ny Kaominina Antananarivo Renivohitra, ny alin�ny alarobia 8 Jona 2016.

Nitarika ny ekipa ny lefitra voalohan’ny Ben’ny tanàna Jean Gabriel Harison Nanomboka tamin’ny 6 ora hariva teo amin’ny «Gastro Pizza» Analakely ny asa, nitohy teny Tsaralalana, Ambatomena, Antaninarenina ka nifarana teny Ambodifilao. Anisan’ny nosavaina ny taratasy fahazoan-dalana mivarotra amin’ny alina toy ny «Bouffe Mobile», ny mpivarotra toaka sy zava mahadomelina amoron-dalana, ireo matory an-tsisin-dalana. Teo koa ny fanesorana avy hatrany ireo kitranoantrano baoritra, ireo mpivarotra hani-masaka, ireo talantalana fivarotana sy ireo entan’ny mpivarotra amoron-dalana mitsitokotoko eny an-tsisin-dalana. Nojerena akaiky koa ny fahatomombanan’ireo fiarakaretsaka na ara-taratasy na ara-teknika sy ireo toeram-piantsonana voatokana (Parking reservé) efa lany daty. Manamafy ny Kaominina Antananarivo Renivohitra fa tsy mbola namoaka fanomezan-dalana hampiasa «Parking reservé» hatreto. Ny Sampandraharaha misahana ny asa sosialin’ny Kaominina no mandray an-tanana ireo zaza amam-behivavy tsy manan-kialofana. Efa misy ny fiaraha-miasa amin’ny minisiteran’ny mponina momba ny toerana handraisana azy ireny, eny Isotry, toby izay mahazaka olona 200 eo.

Nangonin’i Jean D.